Il "parcè"
Il "portâl" "Minorancis Linguistichis Storichis dal Friûl - Vignesie Julie" al nas, par prin in Italie, cu la colaborazion di:
- Ufici scolastic regjonâl pal Friûl - Vignesie Julie dal Ministeri Istruzion Universitât e Ricercje
- Direzion Centrâl Istruzion, Culture, Sport e Pâs de Regjon autonome Friûl - Vignesie Julie
- Universitât dai Studis di Udin/Facoltât di Siencis de Formazion.
Al è stât realizât cui fonts de Leç 482/99 pal an finanziari 2002 assegnâts al Consorzi Universitari dal Friûl par meti in vore i contignûts de leç stesse, che il Stât talian al à fat par ricognossi la tutele des minorancis linguistichis e culturâls che a son tal teritori nazionâl.
Il “portâl” al mostre lis potenzialitâts de normative te scuele e tai setôrs e educazion e de culture intindûts intun sens plui larc.
Cun di plui di cognossi ce che al è stât fat o ce che si è daûr a fâ, si puedin cjatâ disposizions di leç, publicazions, leams a altris sîts interessants e fintremai progjets didatics fats tes lenghis minoritariis dal Friûl - Vignesie Julie e condividûts in grazie de base di dâts “Gold Lenghis minoritariis”, realizade cu la colaborazion di INDIRE.
